ஆப்கான் சோவியத் யூனியன் வரலாறு பகுதி 3

ஆப்கான் சோவியத் யுத்தம் சூடு பிடித்திருந்த அந்த இறுதிப் பொழுதுகளில் அமெரிக்கா தனது அசிங்கம் மிக்க சுயநலக் கரம் ஆப்கான் முஜாஹிதீன்களுக்கு சார்பாக நேரடியாகவே பங்களிப்பு செய்திருந்தது போலக் காட்ட தனது மீடியாக்களை பல்வேறு வழிகளில் பாவிக்கத் தொடங்கியது .

ஆப்கன் யுத்தத்துக்கு நிதி சேர்க்கும் சாட்டில் மாபியாத் தனமாக ஹெராயின் ,கொகாயின் வியாபாரத்தை வேறு ஆப்கான் போடர்களில் படர விட்டிருந்த அமெரிக்கா , தான் எப்படியான ஆயுத உதவி செய்தேன் என்பதைக் காட்ட 'ஹோலிவூட் ' பாணியில் சொன்ன கதைதான் FIRST BLOOD (PART 3) அல்லது RAMBO (PART 3) திரைப்படம் ஆகும் .


'சில்வஸ்டர் ஸ்டலோன் ' என்ற பிரபல்யத்தைப் ஹீரோவாக போட்டு 1988 களில் இந்தத் திரைப்படம் வெளிவந்த போது ஆப்கான் முஜாஹிதீன்கள் தலைநகரான காபூலை நெருங்கி இருந்தார்கள் . அப்போது ஆப்கான் ஜனாதிபதியாக இருந்த 'நஜீபுல்லா ' தன் மூட்டை முடிச்சுகளை கட்ட ஆரம்பித்திருந்தார் . ஆப்கான் இராணுவத்தின் தளபதியாக இருந்த 'அப்துர் ரசீத் தோஸ்தம் ' மதில் மேல் உள்ள பூனை போல இருந்தார் .

எப்போதும் அமெரிக்கா தனது 'இமேஜை' தக்க வைக்கவும் ,தோல்விகளை மறைக்கவும் , தனது எதிரிகளை கிண்டல் அடிக்கவும் தனது அச்சங்களை வெளிப்படுத்தவும் 'ஹோலி வூட் ' எனும் மீடியா நாசகாரியை பாவிப்பது வழமை . அந்த வகையில் வியட்நாம் தோல்வி தொடர்பில் 'TOUR OF DUTY' போன்ற திரைப் படங்களின் வரிசையில் RAMBO (PART 3) ஆப்கானில் தனது பிரசன்னத்தை காட்டி முஜாஹிதீன்களின் தியாகத்தை பக்குவமாக கொச்சைப் படுத்தியது .

அமெரிக்க சார்பாக ஒரு ஆயுத விநியோக நடவடிக்கையில் சோவியத் படையிடம் கைதான ஒரு அதிகாரியை மீட்கும் 'வன் மேன் ' ஆர்மியாக 'சில்வஸ்டர் ஸ்டலோன் ' ஆப்கான் நுழைந்து இக்கட்டில் மாட்டியிருக்கும் ஆப்கான் மக்களை காக்கும் மனிதாபிமான சப் மிசனிலும் சிறப்பாக பணியாற்றி சோவியத் பட்டளியன்களை துவம்சம் செய்வது தான் கதை .

இதில் நிஜத்தில் வெற்றி அடைந்து கொண்டிருக்கும் முஜாஹிதீன்களை எதோ நவீன யுத்த மரபு தெரியாத காட்டன் தரத்தில் காட்டி 10 வருட தியாகத்தை 2 மணிநேரத்தில் சிதைத்து விட்டுப் போனது .
அத்தோடு தனது இரட்சிப்பு இல்லாமல் சோவியத் ரஷ்யர்களை தோற்கடித்து இருக்கவும் முடியாது என்ற செய்தியையும் சொல்லிப் போனது . இன்னும் சில பதிவுகளோடு இன்ஷா அல்லாஹ் மறுமுறை சந்திக்கிறேன்.